बधाई एवम् शुभकामना कार्यक्रम सम्पन्न

एकीकृत अखिल नेपाल जनसांस्कृतिक महासङ्घ, केन्द्रीय  समितिले  यही २०७० साल माघ २ गते बिहिबार वरिस्ठ संस्कृतिकर्मी जे. वि. टुहुरेलाई बधाई एवम्  शुभकामना कार्यक्रमको आयोजना गर्यो।  वरिस्ठ संस्कृतिकर्मी जे. वि. टुहुरेलाई  एकीकृत नेपाल कम्युनिस्ट पार्टी (माओवादी) ले समानुपातिकको कोटामा संबिधान सभाको सदस्यमा मनोनयन गरेको सन्दर्भमा उक्त कार्यक्रमको  आयोजना गरिएको हो। एकीकृत अखिल नेपाल जनसांस्कृतिक महासङ्घ, केन्द्रीय  समितिका संयोजक मातृका पोखरेलको अध्यक्षतामा सम्पन्न उक्त कार्यक्रमको संचालन कार्यालय सदस्य बलराम तिमिल्सिनाले गर्नु भएको थियो।  आफ्नो मन्तव्यको क्रममा   वरिस्ठ संस्कृतिकर्मी जे. वि. टुहुरेले आफूले एकीकृत अखिल नेपाल जनसांस्कृतिक महासङ्घको सहयोगमा संबिधान सभाको बैठकमा सांस्कृतिक आन्दोलनका बारेमा कुराहरू उठाउने धारणा राख्नु भयो । 

उक्त  कार्यक्रममा एकीकृत अखिल नेपाल जनसांस्कृतिक महासङ्घका   केन्द्रिय     कार्यालय सदस्य गणेश भण्डारी,  रमेश रंजन झा,  एकीकृत अखिल नेपाल जनसांस्कृतिक महासङ्घ नेवा राज्य समितिका संयोजक राजु श्यानतान, अखिल नेपाल चलचित्र कर्मी संघका त र्फबाट माधव ढुङ्गेल,  अखिल नेपाल लेखक संघको तर्फबाट बिष्णु भण्डारी , अखिल नेपाल ललितकला संघका तर्फबाट पाल्सांमो लामा, अखिल नेपाल जनकलाकार संघको तर्फ बाट प्रदिप देवान, मजदूर कलाकारको तर्फबाट लक्ष्मी गुरुङ, सामना परिवारको तर्फ बाट सुबर्ण हमालले पनि बधाई एवम्  शुभकामना दिनु भएको थियो।